भारतको राजधानी दिल्लीको शाहदरामा गोली चल्दा एक नाबालकसहित दुई जनाको मृत्यु भएको छ।

दिपावलीको रात दिल्लीको शाहदरा क्षेत्रमा गोली चलेको हो। गोलीबारीमा एक नाबालकसहित दुई जनाको मृत्यु भएको भारतीय सञ्चार माध्यमहरूले जनाएका छन्। एक दश वर्षीय बालकलाई पनि गोली लागेको समाचारमा उल्लेख छ।

पीडित तीनै जना एकै परिवारका हुन्। पीटीआई समाचारका अनुसार पीडितहरू शाहदराको फर्श बजार क्षेत्रमा आफ्नो घर बाहिर दीपावली मनाइरहेका बेला गोली चलेको हो।