नेपाली सेनाले विभिन्न रिक्त पदहरू पूर्तिका लागि दरखास्त आह्वान गरेको छ। भर्ना छनोट निर्देशनालय, जंगी अड्डाले आज सार्वजनिक गरेको सूचनामा सैन्य तथा विभिन्न ट्रेडका फलोअर्स पदहरूका लागि योग्य उम्मेदवारबाट आवेदन माग गरिएको उल्लेख छ।

सूचनाअनुसार इच्छुक तथा योग्यता पुगेका नेपाली नागरिकले स्वयं नजिकको भर्ना केन्द्रमा उपस्थित भई फाराम भरी दरखास्त पेस गर्नुपर्नेछ। नेपाली सेनाले तोकेको समयसीमा अनुसार मंसिर २७ गतेसम्म साधारण दस्तुरमा दरखास्त दिन सकिनेछ भने दोब्बर दस्तुर तिरेर आगामी पुष ५ गतेसम्म आवेदन पेस गर्न सकिनेछ।

भर्ना प्रक्रिया र आवश्यक कागजात सम्बन्धी विस्तृत जानकारी सेनाले जारी गरेको सूचनामा उल्लेख गरिएको छ।