अछामको छिपेखोलास्थित राष्ट्रिय स्वतन्त्र पार्टीको कार्यालय नजिक आयोजित नेता बालेन शाहको चुनावी भेटघाट कार्यक्रममा भएको भिडभाडको मौका छोपेर सुनको सिक्री चोरी गर्ने एक जनालाई प्रहरीले पक्राउ गरेको छ।

पक्राउ पर्नेमा पर्सा जिल्लाका उमेश राय रहेका छन्। उनले अछामकी सत्यदेवी कुँवरको घाँटीमा लगाएको १२.१७ ग्राम तौलको सुनको सिक्री चोरी गरेको प्रहरीको प्रारम्भिक अनुसन्धानबाट खुलेको छ।

इलाका प्रहरी कार्यालय साँफेवगर, अछामबाट खटिएको प्रहरी टोलीले रायलाई नियन्त्रणमा लिएको हो। घटनासम्बन्धी थप अनुसन्धान भइरहेको प्रहरीले जनाएको छ।