हेटौंडा उपमहानगरले चालू आर्थिक वर्षको पहिलो महिनामा ३ करोड ५० लाख राजस्व संकलन गरेको छ।

उपमहानगरको राजस्व शाखाका प्रमुख मनोजकुमार सुवेदीका अनुसार पूर्वाधार सेवाको उपयोगबापत १ करोड ३३ लाख ८८ हजार, सम्पत्ति कर ४५ लाख ९९ हजार, घरबहाल कर ६५ लाख २० हजार, बहाल बिटोरी कर १६ लाख ४५ हजार, व्यवसाय कर ४१ लाख १७ हजार र प्रशासनिक दण्ड जरिवाना र जफतबापत दुई लाख ३१ हजार संकलन भएको हो।

यो गत आवको सोही अवधिको तुलनामा एक करोडले कम हो। आव २०८१/८२ मा सम्पत्ति कर १ करोड ४४ लाख, ८५ हजार, पूर्वाधार सेवाको उपयोगबापत एक करोड १८ लाख ७५ हजार, घरबहाल कर ५० लाख ६५ हजार, सिफारिस दस्तुर ३३ लाख ४० हजार, बहाल बिटोरी कर १८ लाख ७८ हजार, व्यवसाय कर ४१ लाख २१ हजार र प्रशासनिक दण्ड जरिवाना र जफतबापत पाँच लाख ९६ हजार राजस्व सङ्कलन भएको थियो।