एनएमबि बैंक लिमिटेडको २ लाख ९० हजार २९६ कित्ता संस्थापक शेयर बिक्रीमा राखिएको छ।

बैंकले संस्थापक शेयरधनी काली दाश गोतामेको नाममा रहेको २ लाख १६ हजार ३४५ कित्ता र कल्पना पाण्डेको नाममा रहेको ७३ हजार ९५१ कित्ता शेयर बिक्रीमा राखेको हो । यस शेयरमा हाललाई बैंकका संस्थापक शेयरधनीले मात्रै आवेदन दिन सक्नेछन्।

यसका लागि अबको ३५ दिनभित्र आवश्यक कागजात सहित काठमाडौंको बबरमहलस्थित कम्पनी सचिवको कार्यालयमा निवेदन दिनु पर्नेछ। तोकिएको अवधिभित्र संस्थापक शेयरधनीबाट उक्त सेयर खरिदका लागि आवेदन प्राप्त नभएमा वा सम्पूर्ण शेयर बिक्री नभएमा बैंकले सर्वसाधारणलाई बिक्री गर्न प्रक्रिया अघि बढाउनेछ ।