कैलालीको धनगढीमा होटलको जग खन्ने क्रममा शंकास्पद वस्तु फेला परेको छ।

शुक्रबार धनगढी उपमहानगरपालिका-३ विशालनगरस्थित होटेल सिद्धार्थ प्रालिले निर्माण गर्न लागेको भवनको जग खन्ने क्रममा शंकास्पद वस्तु फेला परेको थियो। जिल्ला प्रहरी कार्यालय कैलालीका डिएसपी कविन्द्र बोहराका अनुसार शंकास्पद वस्तु देखिएपछि शुक्रबारदेखि नै प्रहरील उक्त स्थान सुरक्षित गरेर राखि सेनालाई खबर गरेको थियो।

शनिबार दिउँसो सेनाको बम डिस्पोजल युनिट आएर शंकास्पद वस्तु डिस्पोज गरेको डिएपी बोहराले जानकारी दिए। शंकास्पद वस्तु सकेट बमजस्तो देखिने वस्तु भएको पाइएको पनि डिएसपी बोहराले बताए।

‘हिजोदेखि नै प्रहरीले उक्त स्थान सुरक्षित गरेर राखेको थियो। आज सेनाको टोलीले डिस्पोज गरिसकेको छ,’डिएसपी बोहराले भने।