पछिल्लो तीन महिनामा एभोकाडोको भाउ दोब्बरभन्दा धेरै बढेको छ।

कालीमाटी फलफूल तथा तरकारी बजार विकास समितिले निर्धारण गरेको मूल्यसूची हेर्दा बजारमा एभोकाडोको भाउ बढेको हो। तीन महिनाअघि एभोकाडो प्रतिकिलो २ सय २० देखि ३ सय रुपैयाँमा किनबेच भएको थियो।

गएको माघ दोस्रो साता बजारमा एभोकाडोको थोक भाउ किलोको ४ सयदेखि ४ सय ५० रुपैयाँ पुगेको थियो। त्यसपछि फागुन दोस्रो साता आइपुग्दा एभोकाडोको भाउ बढेर ५ सय ८० देखि ६ सय रुपैयाँसम्म पुगेको थियो। कालीमाटी बजारमा आज बिहीबार एभोकाडोको भाउ किलोको अधिकतम ६ सय ५० र औसत ६ सय २६ रुपैयाँ कायम छ।

फलफूल व्यवसायीका अनुसार बजार मागअनुसार एभोकाडो आपूर्ति नभएकाले मूल्य बढेको हो।