ताजा
लोकप्रिय
ब्राजिलका स्टार फरवार्ड नेयमार जुनियरले अन्तर्राष्ट्रिय फुटबलबाट संन्यास घोषणा गरेका छन्।
फिफा विश्वकप २०२६ को अन्तिम–१६ मा नर्वेसँग २–१ ले पराजित हुँदै ब्राजिल प्रतियोगिताबाट बाहिरिएपछि नेयमारले राष्ट्रिय टोलीबाट बिदा लिने घोषणा गरेका हुन्।
अमेरिकाको न्युजर्सीस्थित रंगशालामा भएको खेलमा ब्राजिलका लागि सान्त्वना गोल नेयमारले गरेका थिए। उनले इन्जुरी समयमा पेनाल्टीमार्फत गोल गर्दै प्रतियोगितामा आफ्नो एकमात्र गोल गरेका थिए।
चार वटा फिफा विश्वकप खेलिसकेका ३४ वर्षीय नेयमार जारी विश्वकपमा पूर्ण रूपमा फिट नभएकाले दुई खेलमा मात्रै वैकल्पिक खेलाडीका रूपमा मैदान उत्रिएका थिए। यसअघि उनी समूह चरणमा स्कटल्यान्डविरुद्धको खेलमा दोस्रो हाफमा मैदान प्रवेश गरेका थिए।
सन् २०१० मा ब्राजिलको सिनियर टोलीबाट डेब्यु गरेका नेयमार ब्राजिलका लागि सर्वाधिक गोलकर्ता हुन्। उनले राष्ट्रिय टोलीका लागि १२९ खेलमा ८० गोल गरेका छन्।
खेलपछि भावुक बनेका नेयमारले भने, “मैले प्रयास गरेँ, धेरै प्रयास गरेँ। मेरो यात्रा यही रंगशालाबाट सुरु भएको थियो र यहीँ आएर अन्त्य भयो। अब सबै सकियो।”
