शेयर बजारको विहिबार कारोबार दिन नेपाल स्टक एकसेन्ज (नेप्से) परिसूचक बढेको छ । आज नेप्से ६.९४ अंकले बढेर २७१८.१६ बिन्दुमा पुगेको हो ।

नेप्सेमा कुल ३३४ कम्पनीको ६६ करोड ८४ लाख कित्ता शेयर किनबेच हुँदा २ अर्ब ९३ करोडको शेयर कारोबार भएको छ । आज सबैभन्दा धेरै एनआरएनको शेयर कारोबार भएको छ । आज यस कम्पनीको १७ करोड ६८ लाख रुपैयाँको शेयर कारोबार भएको छ ।

आज सबैभन्दा धेरै स्वाबलम्बन लघुवित्तका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

आज सबैभन्दा धेरै फरवार्ड माइक्रोफाइनान्सका लगानीकर्ताले गुमाएका छन् । यस कम्पनीको शेयर मूल्य १३ प्रतिशतभन्दा धेरैले घटेको छ।