शेयर बजार मंगलबार दोहोरो अंकले बढेको छ।

सोमबार ३५ अंकले घटेको नेप्से परिसूचक मंगलबार ३४.४६ अंकले बढेर २७६०.१७ विन्दुमा पुगेको हो। कारोबारमा आएका सबै सूचकले नेप्से बढाएका हुन्। बैंकिङ सूचक सर्वाधिक १.८१ प्रतिशतले उकालो लागेको छ।

२०९ कम्पनीका लगानीकर्ताले कमाएका छन्। सुपरमादी हाइड्रोपावरको शेयर मूल्य सर्वाधिक ८.०८ प्रतिशतले बढेको छ। यसैगरी भगवती हाइड्रोपावर डेभलपमेन्ट कम्पनीको शेयर मूल्य सर्वाधिक ४.६४ प्रतिशतले ओरालो लागेको छ। मंगलबार नौ अर्ब ४१ करोड ९१ लाख रुपैयाँको शेयर कारोबार भएको नेप्सेले जनाएको छ।