नेपाल उद्योग वाणिज्य महासंघको ‘६० औं वार्षिक साधारण सभा तथा निर्वाचन ’  वैशाख २२ मा हुने भएको छ ।

‘६० औं वार्षिक साधारण सभा तथा निर्वाचन ’  वैशाख २१ मा उद्घाटन समारोह हुने र  वैशाख २२ मा निर्वाचन हुने भएको छ । उद्घाटन समारोह होटल रोयल टुलिप, ग्वार्को ललितपुरमा हुने छ भने निर्वाचन कार्यक्रम नेपाल प्रज्ञा प्रतिष्ठान, कमलादीमा हुने महासंघले जनाएको छ ।

यसअघि चैत्र २९ र ३० गते आयोजना गर्ने गरि तय भएको निर्वाचन स्थगित भएको थियो । निर्वाचन स्थगित भए सँग महासंघले नयाँ समय ताकेको हो । वरिष्ठ उपाध्यक्ष अध्यक्ष बन्ने नियम अनुरुप अबको महासंघ अध्यक्ष अन्जन श्रेष्ठ बन्ने छन् भने बाँकी पदहरुमा प्रतिस्पर्धा हुनेछ ।