ताजा
लोकप्रिय
नबिल बैंक लिमिटेडले गत आर्थिक वर्ष २०८१–८२ को मुनाफाबाट शेयरधनीलाई १२.५० प्रतिशत नगद लाभांश (करसहित) वितरण गर्ने घोषणा गरेको छ।
बैंकको मंसिर १९ गते बसेको सञ्चालक समितिको बैठकले सो दरमा लाभांश वितरण गर्ने निर्णय गरेको हो। नेपाल राष्ट्र बैंकबाट स्वीकृति प्राप्त भई आगामी वार्षिक साधारण सभाले पारित गरेपछि लाभांश वितरण गरिने बैंकले जनाएको छ।
नबिल बैंक देशका अग्रणी वाणिज्य बैंकमध्ये एक हो। बैंकले हाल देशभरका २६८ शाखा र ३२१ एटिएममार्फत २५ लाखभन्दा बढी सेवाग्राहीलाई सेवा प्रदान गर्दै आएको छ।
चार दशकभन्दा बढी समयदेखि नबिल बैंकले नेपाली बैंकिङ क्षेत्रमा नवीन सेवा विस्तार गर्दै बैंकिङ विकासमा महत्वपूर्ण भूमिका खेल्दै आएको छ।
