नेपाली बजारमा आज सुनको मूल्य अहिलेसम्मकै उच्च विन्दुमा पुगेको छ।

नेपाल सुनचाँदी व्यवसायी महासङ्घका अनुसार आइतबार छापावाल सुन तोलाको ७ हजार ४ सय रुपैयाँले बढेर तोलाको २ लाख ३० हजार ६ सय रुपैयाँ मा कारोबार भइरहेको छ। यसअघि असोज १२ गते सुन तोलाको २ लाख २३ हजार २ सय रुपैयाँमा कारोबार भएको थियो। यो नेपाली बजारमा सुनको अहिलेसम्मकै सबैभन्दा उच्च मूल्य हो।

यस्तै, चाँदीको मूल्य पनि बढेको छ। महासङ्घका अनुसार आज चाँदी तोलाको १२० रुपैयाँले बढेर २ हजार ९३० रुपैयाँ मा कारोबार भइरहेको छ। असोज १२ गते चाँदी तोलाको २ हजार ८१० रुपैयाँमा कारोबार भएको थियो।

सुन र चाँदी दुबैको मूल्यमा भएको निरन्तर वृद्धि पछिल्लो समय अन्तर्राष्ट्रिय बजारमा बढ्दो मूल्य र अमेरिकी डलरको विनिमय दरसँग पनि सम्बन्धित रहेको व्यवसायीहरूको भनाइ छ।