साताको अन्तिम कारोबार दिन बिहीबार सेयर बजार १०.६६ अंकले घट्दा नेप्से परिसूचक २६१५ अंकमा झरेको छ। अघिल्लो दिन नेप्से २६२५ अंकमा कारोबार भएको थियो।

आज दिनभर बजार रातो रह्यो र कारोबार रकम भने बढेको छ। अघिल्लो दिन ४ अर्ब ५ करोड रुपैयाँको कारोबार भएकोमा आज ४ अर्ब ५७ करोड रुपैयाँको कारोबार भएको छ। ६३ कम्पनीको मूल्य बढ्दा १९४ कम्पनीको घटेको छ भने २ कम्पनीको मूल्य स्थिर रह्यो।

सामूहिक रुपमा, फाइनान्स समूह सबैभन्दा धेरै १.५५ प्रतिशतले घटेको छ। होटल तथा पर्यटन समूह स्थिर रह्यो। अन्य समूहमा निर्जीवन बीमा ०.२२, व्यापार ०.४८, बैंकिङ ०.२२, विकास बैंक ०.१२, हाइड्रोपावर ०.५५, लगानी ०.४१, जीवन बीमा ०.६७, उत्पादन तथा प्रशोधन ०.१७, माइक्रोफाइनान्स ०.४९ र अन्य समूह १.१९ प्रतिशतले घटेका छन्।

आज दुई कम्पनीको मूल्य १० प्रतिशतले बढेको छ। ती कम्पनीहरूमा स्वस्तिक लघुवित्त र एसवाई प्यानल छन्। अन्य कम्पनीहरूमा सिन्धु विकास बैंक ९.५६, सीवाईसी लघुवित्त ४.८७ र सप्तकोशी विकास बैंक ४.४४ प्रतिशतले मूल्य बढेको छ।

सबैभन्दा धेरै मूल्य घट्नेमा बाराही हाइड्रोपावर ४.७६ प्रतिशतले तल गएको छ। त्यस्तै गुहेश्वरी मर्चेन्ट फाइनान्सको मूल्य ३.१३ र मोदी इनर्जीको ३.०२ प्रतिशतले घटेको छ। आज धेरै कारोबार भएका कम्पनीहरूमा बाराही हाइड्रोपावर, राधि विद्युत्, बुटवल पावर, ङादी ग्रुप र सप्तकोशी विकास बैंक रहेका छन्।