सिटिजन लाइफ इन्स्योरेन्स कम्पनी लिमिटेडले बीमा दावी भुक्तानी गरेको छ । कम्पनीको जाजरकोट शाखा कार्यालयले ६ लाख रुपैयाँबढीको बीमा दावी भुक्तानी गरेको हो ।

कम्पनीले नलगाड नगरपालिका वडा नम्बर १ कल्पतका प्रकाश पुन लाई जाजरकोटका शाखा प्रमुख गोविन्द बहादुर बुढाले मृत्यु दावी बापत ६ लाख २० हजार रुपैयाँको चेक हस्तान्तरण गरेका हुन् । नलगाड नगरपालिका १ को वडा कार्यालयमा एक कार्यक्रमकाबीच स्वर्गीय प्रकाश पुनकी श्रीमती खिमा कुमारी पुनलाई हस्तान्तरण गरेको कम्पनीले जनाएको छ ।

बीमित स्वर्गिय प्रकाश पुनले २०८१ साल असार ३१ गते छोरा बिश्व प्रकाश पुनको नाममा बिमाङक रकम पाँच लाख ७० हजार राखी १८ वर्ष अवधिको बार्षिक ३९ हजार ३ सय रुपैयाँ प्रिमियम तिरी सिटिजन बाल भबिस्य प्लस बीमा गरेका थिए । उनले बीमा गरेको १ वर्ष नपुग्दै २०८२ सालको असार ०३ गते निजको मृत्यु भएको थियो ।

सर्वाधिक सुबिधा भएको सिटिजन लाइफको बाल भविष्य प्लस बीमा योजना अनतर्गत हाल बीमाङक रकम ५ लाख ७० हजार रुपैयाँ र काजकिरिया खर्च ५० हजारसहित ६ लाख २० हजार रुपैयाँ बराबरको बीमा दावी बीमितका आफन्तले प्राप्त गरेका छन् । मृत्यु दावी रकम प्राप्त गरेपछि मृतकको श्रीमती खिमा कुमारी पुनले अब आफू र यो नाबालक छोराको लागि बाच्ने आधार यहि बीमा भएको कुरा ब्यक्त गरिन् ।

कम्पनीको जाजरकोट शाखा प्रमुख गोबिन्द बहादुर बुढाले कार्यक्रमकाबीच बीमाको आवश्यकता औचित्य र महत्वपूर्ण स्पष्ट पार्दै यस्ता दुरदराजका बस्तीहरुमा बीमाको आवश्यकता अझै बढी भएको र सबैले आफ्नो अवस्था अनुसार बीमा गर्नुपर्ने कुरा राख्दै सिटिजन लाइफ बिकट गाउँ देखि सहरसम्म बीमितहरुबीचमा सेवा पुर्‍याइ रहेको कुरा जानकारी गराएका छन् ।