ताजा
लोकप्रिय
मकवानपुरको इन्द्रसरोवर गाउँपालिका –५ मकैबारीमा शुक्रबार स्याउ बोकेको पिकअप गाडी दुर्घटना भएको छ । हेटौँडा–काठमाडौँ जोड्ने फाखेल मातातीर्थ सडक खण्डमा उक्त दुर्घटना भएको हो ।
हेटौँडाबाट स्याउ लिई काठमाडौँ आउँदै गरेको ना ३ च ६२४५ नम्बरको पिकअप गाडी उकालोमा चढ्न नसकी ब्याक हुँदा दुर्घटना भएको हो । गाडी सडकबाट अन्दाजी २०० मिटर तल खसेर दुर्घटना भएको जिल्ला प्रहरी कार्यालय मकवानपुरले जनाएको छ ।
गाडी चालक पर्सा वीरगन्ज महानगरपालिका –१६ इनवा बस्ने २७ वर्षीय लक्ष्मीप्रसाद यादव गाडीबाट हाम फाल्दा सामान्य घाइते भएका छन् । सहचालक ३० वर्षीय रमेश पटेल गाडी ओट लगाउँदै गर्दा साइड लागी सकुशल छन् । प्रहरीका अनुसार घाइतेलाई स्थानीय क्लिनिकमा उपचारका लागि पठाइएको छ ।
