सिटिजन लाइफ इन्स्योरेन्स कम्पनी लिमिटेडको आठौं वार्षिक साधारण सभा काठमाडौंको नक्सालस्थित आम्रपाली ब्याङ्क्वेटमा सम्पन्न भएको छ।

सभाले कम्पनीको चुक्ता पूँजीको २६.९८४१२६९८ प्रतिशत बोनस शेयर र १.४२०२२ प्रतिशत नगद लाभांश (कर सहित) वितरण गर्ने प्रस्ताव पारित गरेको छ। बोनस शेयर वितरणपछि कम्पनीको चुक्ता पूँजी ५ अर्ब रुपैयाँ पुग्ने भएकाले सोही आधारमा कम्पनीको प्रबन्ध पत्र संशोधन गर्ने, खर्च अनुमोदन गर्ने र सञ्चालक समितिलाई अख्तियारी दिने विशेष प्रस्ताव पनि पारित गरिएको छ।

साथै, सभाले गत आर्थिक वर्षको वार्षिक प्रतिवेदन र वित्तीय विवरणहरू पारित गर्दै चालु आवको लागि लेखापरीक्षक नियुक्ति र पारिश्रमिक निर्धारणसम्बन्धी निर्णय पनि टुङ्ग्याएको छ।

सभाको लागि सिटिजन लाइफ इन्स्योरेन्स कम्पनीले फागुन २८ गते बुक क्लोज गरेको थियो। त्यसैले फागुन २७ गतेसम्म कायम शेयरधनीहरूले मात्र लाभांश प्राप्त गर्न सक्नेछन्।