अर्थमन्त्री रामेश्वरप्रसाद खनालले पछिल्लो तीन महिनामा मुलुकको अर्थतन्त्र दिगो रूपमा चलायमान भएको बताएका छन्। निजी क्षेत्रसँग संवादका लागि आयोजित समारोहमा उनले तथ्याङ्क नेपालको अर्थतन्त्रमा सुधार भइरहेको पुष्टि गरेको बताए।

उहाँका अनुसार, जेनजी आन्दोलनको तीन महिनाभित्र अर्थतन्त्रमा सुधार हुँदै गएको छ र यस अवधिमा करिब १० प्रतिशत राजस्व वृद्धि भएको छ। “गएको तीन महिनामा करिब १० प्रतिशतको हाराहारीमा राजस्व वृद्धि भएको छ। उत्पादकत्व र उत्पादन वृद्धि भइरहेको छ। अन्तरिम सरकारले छोटो अवधिमा पनि लगानी वातावरण सुधार गरेको छ र यसलाई चिनियाँ लगानीकर्ताले प्रशंसा गरिरहेका छन्,” खनालले बताए।

अर्थमन्त्रीले सरकारले अर्थतन्त्रका समस्या समाधान, तरलता व्यवस्थापन र लगानीमैत्री वातावरण बनाउन योजना अनुसार काम अघि बढाइरहेको पनि उल्लेख गरे।