राजसंस्था पुनस्थापना आन्दोलनका कमान्डर दुर्गा प्रसाई तीनकुनेबाट भागेका छन्। उनी भर्खरै बीएबी ४२०८ नम्बरको गाडीमा चढेर तीनकुनेबाट निस्किएका हुन्।

त्यसअघि तीनकुनेको एक सटरमा बसिरहेका उनलाई लिन गाडी आएको थियो। तीनकुनेमा राजावादी प्रदर्शनकारी अराजक बन्दै गएको छ। राजसंस्था फर्काउने आन्दोलनका कमान्डर दुर्गा प्रसाई तीनकुने आएलगत्तै तनावको स्थिति सृजना भएको हो। प्रदर्शनकारीहरू सुरक्षा घेरा तोडेर तीनकुनेबाट बानेश्वरतर्फ जान लागेपछि प्रहरीले अश्रुग्यास हानेको थियो।

त्यसपछि प्रहरी र प्रदर्शनकारीबीच झडपको स्थिति बनेको हो। झडप शुरू भएर सभा विथोलिएपछि पूर्वराजावादी नेताहरू भागेका हुन्।