विश्व वित्तीय सप्ताह २०२५ को (Global Money Week 2025) को अवसरमा नेपाल इन्भेष्टमेन्ट एन्ड सेक्युरिटिज ट्रेडिङ प्रालिले नेपाल धितोपत्र बजार सम्बन्धी समुदायीक विद्यालय केन्द्रीत वित्तीय सचेतना कार्यक्रम गरेको छ।

श्री खगेन्द्र नवजिवन विशेष शिक्षा माध्यामिक विद्यालय, गोकर्णेश्वर ६, जोरपाटीमा विद्यालयका अध्यक्ष रमेस अर्याल र प्रधानाध्यापक राघव दवाडीको उपस्थितिमा त्यहा अध्यनरत ३० जना विद्यार्थीलाई वित्तीय सचेतना कार्यक्रम गराइएको हो। नेपाल इन्भेष्टमेन्ट एन्ड सेक्युरिटिज ट्रेडिङ प्रालि प्रमुख कार्यकारी अधिकृत कृष्ण भण्डारीले धितोपत्र बजार, आयको बचत तथा लगानीका विविध पक्षहरुको बारेमा प्रकास पारेका थिए।

सो कार्यक्रममा उनले किसोरा अवस्थाबाटै सुरु गरिने स-सानो बचतको बानी र त्यसलाई गरिने समुचित लगानीले मात्र भविश्यमा उचित प्रतिफलका साथै अकस्मिक रुपमा आइपर्ने वित्तीय समस्या प्रदान गर्न सक्ने हुँदा किसोर किसोरीहरुलाई यस किसिमको वित्तीय सचेतनामूलक कार्यक्रम विश्व वित्तीय सप्ताहको रुपमा प्रत्येक वर्ष मनाउँदै आएको र यसको मुख्य नारा  (learn, Save, Earn) रहेको बताए।