नेकपा एमालेको ११औँ महाधिवेशनको उद्घाटन भएको छ । भक्तपुरको सल्लाघारीमा आयोजित विशेष कार्यक्रममा अध्यक्ष केपी शर्मा ओलीले महाधिवेशनको उद्घाट गरेका हुन् । उद्घाटनका क्रममा अध्यक्ष ओलीले रिमोटबाट झन्डोतोलन गरेका थिए ।

सोमबारसम्म संचालन हुने यस महाधिवेशनले १५ पदाधिकारी र २५१ सदस्यीय केन्द्रीय कमिटीको चयन गर्ने छ । एमालेको यस महाधिवेशनमा कुल २ हजार २६८ प्रतिनिधि सहभागी रहेका छन्, जसमा १०८ प्रतिनिधि मनोनित सचिवालयले मनोनित गरेको छ ।

एमालेको महाधिवेशनको उद्घाटन समारोहमा नेपाली काँग्रेसका कार्यवाहक सभापति पूर्णबहादुर खड्का, नेपाली कम्युनिष्ट पार्टीका देव गुरुङ, रास्वपाका महामन्त्री कविन्द्र बुर्लाकोटी, राप्रपा अध्यक्ष राजेन्द्र लिङदेन, नेकपा माओवादीका अध्यक्ष नेत्रविक्रम चन्द विप्लवलगायत सहभागी रहेका छन् ।

प्रतिनिधि सभाको विघटन मान्य छैन्

नेकपा एमालेका अध्यक्ष केपी शर्मा ओलीले प्रतिनिधि सभाको विघटन मान्य नरहेको बताएका छन् । एमालेको ११औं महाधिवेशनलाई सम्बोधन गर्दै ओलीले प्रतिनिधि सभाको विघटन आफुहरुलाई मान्य नरहेको भन्दै तत्काल संसद विघटन हुनुपर्ने बताएका छन् ।

जननिर्वाचित प्रतिनिधिलाई बाहिर राखेर लोकतन्त्र फस्टाउन नसक्ने भन्दै ओलीले डर, दबाब र प्रतिशोधको छायाँबाट हुने चुनावले लोकतन्त्रलाई कमजोर बनाउने बताएका छन् ।ओलीले अहिले फागुन ११ मा चुनाव गर्ने भन्दै नाटक गरिएको भन्दै सरकारले चुनावको वातावरण नबनाएको दाबी गरे । उनले डर देखाएर, मिडिया ट्रायल गरेर, नेताहरुलाई स्थनहद तोकेर, पासपोर्ट रोक्का गरेर सरकारले कसरी चुनाव गराउछ भन्दै प्रश्न गरेका थिए ।

ओलीले अहिले एमालेलाई जेनजी विरोधी भन्दै प्रचार गरिएको भन्दै सरकारमा रहदा स्टार्ट अप कार्यक्रम ल्याएको, एआई नीति ल्याएको पार्टी, युवा केन्द्रित नीति बनाएको एमाले कसरी जेनजी विरोधी हुन्छ भन्दै प्रश्न गरेका थिए । उनले अहिले जेनजीको नाममा स्वार्थको रोटी सेक्नेहरुले एमाले जेनजी विरोधी भएको भाष्य सिर्जना गरेको आरोप लगाए ।