बजाज मोटरसाइकलको लागि नेपालको एक मात्र आधिकारिक बिक्रेता हंशराज हुलासचन्द एन्ड कम्पनीले पल्सर एन १५० मोटरसाइकल सार्वजनिक गरेको छ।

यो मोटरसाइकल भारतमा एक वर्ष अघि नै सार्वजनिक भइसकेको थियो। यो स्पोर्टी मोटरसाइकल दैनिक प्रयोग र पावर पर्फर्मेन्स दुवैका लागि उपयुक्त रहेको र यसले युवा पुस्तालाई आकर्षित गर्ने कम्पनीले जनाएको छ। यस अघि नै बजाजले एन सिरिजमा एन २५० र १६० बजारमा सार्वजनिक गरिसकेको छ।

गोल्छा ग्रुपका निर्देशक अभिमन्यु गोल्छाले भने, ‘नेपालमा सार्वजनिक भएदेखि नै पल्सरले मोटरसाइकल क्षेत्रमा नयाँँ मापदण्ड सेट गर्दै आइएको छ। ७० भन्दा बढी देशहरूमा पल्सर विश्वव्यापी रूपमै सर्वाधिक रुचाइएको ब्रान्ड बन्न सफल भएको छ। फेरि पनि यही सिलसिलालाई कायम राख्दै हामीले पल्सर एन १५० लन्च गरेर नेपालका बजाज प्रेमीलाई अर्को उपहार ल्याएका छौँ।’ कम्पनीका अनुसार यो मोटरसाइकलमा रहेको आकर्षक फिचरमा ब्लुटुथ कनेक्टिभिटी सहितको कल तथा एसएमएस अलर्ट हो। साथमा युएसबी चार्जिङ पोर्ट पनि उपलब्ध छ। कम्पनीका अनुसार यो मोटरसाइकलमा रहेको आकर्षक फिचरमा ब्लुटुथ कनेक्टिभिटी सहितको कल तथा एसएमएस अलर्ट हो। साथमा युएसबी चार्जिङ पोर्ट पनि उपलब्ध छ।

त्यसैगरी यसको फ्युल इन्जेक्सन सिस्टम र बिएस ६ ले यो बाइकलाई झनै इफिसियन्ट बनाउने कम्पनीले जनाएको छ। पल्सर एन १५० एरोडायनामिक थ्रिडी फ्रन्ट सहितको स्लिक डिजाइनको उपलब्ध हुनेछ। यसको मस्कुलर डायनामिक ट्यांकी, पातलो वेस्ट भाग र सिङ्गल फ्याट सिटले यसको लुकलाई आकर्षक बनाएको छ। शक्तिशाली र स्मुथ १४९.६८ सिसी इन्जिनले सुसज्जित पल्सर एन १५० ले १४.५ पिएस पावर र १३.५ एनएम टर्क उत्पन्न गर्छ भने यसले ४८ किमीको प्रभावशाली माइलेज पनि दिने कम्पनीले जनाएको छ। सुरक्षित राइडलाई लक्षित गर्दै पल्सर एन १५० मा एलइडी प्रोजेक्टर टेलल्याम्प र १७ इन्चको ट्युबलेस अलोय ह्विल पनि राखिएको छ। सुरक्षालाई झनै बलियो बनाउन यसमा सिंगल च्यानल एबिएस पनि समावेश गरिएको छ।

बजाज एन १५० मा डिजिटल स्पिडोमिटर, ट्याकोमिटर, ट्रिप मिटर र ओडोमिटर सहित धेरै याडभान्सड् फिचरहरू छन्। यसमा युएसबी चार्जिङ सहित घडी र डिस्ट्यान्स्स–टु–एम्प्टी इन्डीकेटकर पनि उपलब्ध छ। साथै यस बाइकमा “क्याट” नोटिफिकेसन र हाइड कनेक्ट एप पनि उपलब्ध हुन्छ। त्यसैगरी बाइकमा सिंगल ट्युब्युलर ह्यान्डल र प्यासेन्जर फुटरेस्टको सुविधा पनि रहेको छ। मात्र १४५ केजीको कर्ब वेट भएको पल्सर एन १५० चलाउन निकै आरामदायी हुनेछ। यसमा रहेको १४ लिटरको फिउल ट्यांकीले बारम्बार पेट्रोल भर्नुपर्ने समस्याबाट पनि छुटकारा दिनेछ। बाइकको ब्रेकिङ सिस्टममा २६० एमएम फ्रन्ट डिस्क ब्रेक र १३० एमएम रियर ड्रम ब्रेक समावेश रहेको छ।

नेपाली बजारमा पल्सर एन १५० को मूल्य ३ लाख ५९ हजार ९०० रूपैयाँ रहेको छ।