ताजा
लोकप्रिय
वाटर इनर्जी सोलुसन लिमिटेडले सर्वसाधारणका लागि प्राथमिक शेयरको सार्वजनिक निष्कासन (आईपीओ) जारी गर्ने भएको छ । कम्पनीले साधारण शेयर निष्कासन प्रक्रियाका लागि हिमालयन क्यापिटल लिमिटेडलाई निष्कासन तथा बिक्री प्रबन्धक नियुक्त गरेको छ ।
यससम्बन्धी सम्झौता बिहीबार वाटर इनर्जी सोलुसन लिमिटेड र हिमालयन क्यापिटल लिमिटेडबीच सम्पन्न भएको हो ।
कम्पनीले इलाम जिल्लामा ८.३ मेगावाट क्षमताको ‘अप्पर देउमाइ खोला’ जलविद्युत आयोजना निर्माण गरिरहेको छ । आयोजना निर्माणको लागि आवश्यक पूँजी व्यवस्थापन गर्न कम्पनीले आईपीओ निष्कासन गर्न लागेको जनाएको छ ।
आईपीओको परिमाण, निष्कासन मिति र बाँडफाँट सम्बन्धी विस्तृत विवरण नेपाल धितोपत्र बोर्डबाट स्वीकृति प्राप्त भएपछि सार्वजनिक गरिने कम्पनीले जानकारी दिएको छ ।
