सप्तरी र दाङमा भएका सवारी दुर्घटनामा दुई जनाको मृत्यु भएको छ ।

सप्तरीको हनुमानगर कंकालिनी नगरपालिका-१ भित्री सडकमा भलुवाबाट कंकालिनी मंन्दिरतर्फ आउँदै गरेको अनटेष्ट लेखिएको मोटरसाइकलबाट लड्दा त्यसमा सवार सुनसरी कोशी गाउँपालिका-६ कुम्याही बस्ने ५० वर्षीया बतुल खातुनको मृत्यु भएको हो । दुर्घटनामा गम्भीर घाइते भएकी उनको कोशी न्यूरो अस्पताल इनरूवा सुनसरीमा थप उपचारको क्रममा मृत्यु भएको प्रहरीले जनाएको छ ।

यसैगरी, दाङको राजपुर गाउँपालिका-३ खरदरीयामा बेलाबाट खरदरीयातर्फ जाँदै गरेको प्र.०३-०३० प ५६०३ नम्बरको मोटरसाइकलको ठक्करबाट पैदलयात्री सोही ठाउँ बस्ने ३७ वर्षीया विष्णा यादवको मृत्यु भएको छ । शुक्रबार बेलुकी भएको उक्त दुर्घटनामा गम्भीर घाइते भएकी उनको लमही अस्पताल लमही हुँदै राप्ती स्वस्थ्य विज्ञान प्रतिष्ठान घोराहीमा थप उपचारका क्रममा शनिबार बिहान मृत्यु भएको हो । हाल फरार रहेका मोटरसाइकल चालकको प्रहरीले खोजी गरिरहेको जनाएको छ ।