सालपा विकास बैंक लिमिटेडको सर्वसाधारणतर्फ निष्कासन गरिएको प्रारम्भिक सार्वजनिक निष्कासन (आईपीओ) बुधबार बाँडफाँट भएको छ।

बैंकले गत पुस १६ गतेदेखि २० गतेसम्म प्रतिकित्ता १०० रुपैयाँ अंकित मूल्यका १४ करोड ३९ लाख १७ हजार ९०० रुपैयाँ बराबरको १४ लाख ३९ हजार १७९ कित्ता साधारण सेयर निष्कासन गरेको थियो। उक्त आईपीओमा २३ लाख २ हजार ८४३ जना आवेदकले २ करोड ५९ लाख ३४ हजार ९३० कित्ता सेयरका लागि आवेदन दिएका थिए।

जसमध्ये २२ लाख ६५ हजार ९५५ वटा आवेदन स्वीकृत भएको बैंकले जनाएको छ भने बाँकी आवेदन प्राविधिक कारणले रद्द भएका छन्।

मागभन्दा धेरै आवेदन परेपछि गोलाप्रथाबाट सेयर बाँडफाँट गरिएको हो। बाँडफाँटअनुसार १ लाख ४३ हजार ९१७ जना लगानीकर्ताले न्यूनतम १० कित्ताका दरले सेयर पाएका छन्।

बाँडफाँटका क्रममा बाँकी रहेको ९ कित्ता सेयर समेत सोही लगानीकर्तामाझ बाँडफाँट गरिएको छ। त्यसअनुसार ९ जना आवेदकले थप १–१ कित्ता सेयर पाउँदै कुल ११ कित्ताका दरले सेयर प्राप्त गरेका छन्।