नेपाल स्टक एक्सचेञ्ज (नेप्से) परिसूचकमा शुक्रबार पनि सामान्य गिरावट आएको छ। साताको अन्तिम कारोबार दिन नेप्से १.१३ अंकले घटेर २६००.७८ बिन्दुमा बन्द भएको हो।

आज ३६७ कम्पनीका १ करोड ६ लाख ६० हजार ५३७ कित्ता शेयर किनबेच हुँदा ६ अर्ब ८६ करोड ७ लाख १८ हजार ६५८ रुपैयाँ बराबरको कारोबार भएको छ।

कारोबारका क्रममा लगानी, उत्पादन तथा प्रशोधन, लघुवित्त, म्युचुअल फण्ड, निर्जीवन बिमा र व्यापार समूहबाहेक अधिकांश उपसमूहका परिसूचक घटेका छन्।

आजको कारोबारमा आत्मनिर्भर लघुवित्त वित्तीय संस्थाको शेयर मूल्य सबैभन्दा धेरै १०.६६ प्रतिशतले बढेको छ। त्यस्तै कुमारी इक्विटी फण्डको इकाई मूल्य ९.०९ प्रतिशतले उकालो लागेको छ।

यता, भगवती हाइड्रोपावरका लगानीकर्ताले सबैभन्दा बढी गुमाएका छन्। कम्पनीको शेयर मूल्य ७.८४ प्रतिशतले घटेको छ।

कारोबार रकमका आधारमा भने नेपाल बैंक डिबेन्चर–२०८७ अग्रस्थानमा रह्यो। उक्त डिबेन्चरको ८९ करोड ९१ लाख रुपैयाँ बराबरको कारोबार भएको छ। दोस्रो स्थानमा रहेको आरबीबीएल डिबेन्चर–२०८३को ६९ करोड ८५ लाख रुपैयाँ बराबरको कारोबार भएको नेप्सेले जनाएको छ।