सरकारले सार्वजनिक संस्थानहरूको वित्तीय सुदृढीकरण र व्यवस्थापन सुधारका लागि विभिन्न संरचनात्मक परिवर्तन गर्ने भएको छ। आर्थिक वर्ष २०८३/८४ को बजेटमार्फत अर्थमन्त्री स्वर्णिम वाग्लेले यस्तो घोषणा गरेका हुन्।

बजेटअनुसार राष्ट्रिय वाणिज्य बैंकको पूँजी वृद्धि गरिनेछ भने नेपाल वायुसेवा निगमलाई कम्पनी संरचनामा रूपान्तरण गरी व्यवस्थापन सुधार गर्ने योजना अघि सारिएको छ ।

त्यसैगरी राष्ट्रिय जीवन बिमा कम्पनी र विशाल बजार कम्पनीका सेयर सर्वसाधारणमा निष्कासन गर्ने घोषणा गरिएको छ।यस्तै एचआइडीसीएललाई उद्देश्यअनुसार मिल्ने वित्तीय संरचनासहित पूर्वाधार क्षेत्रमा विशिष्टीकृत लगानी गर्ने व्यवस्था गरिनेछ।

सरकारले सार्वजनिक संस्थानहरूलाई थप प्रभावकारी र प्रतिस्पर्धी बनाउन केहीमा पूँजी वृद्धि गर्ने तथा केहीमा सरकारी सेयर विक्री (डिसइनभेस्टमेन्ट) गर्ने नीति लिएको छ। यसलाई सार्वजनिक संस्थान सुधारको महत्वपूर्ण कदमका रूपमा हेरिएको छ।