नेपालको प्रिमियम इलेक्ट्रिक स्कुटर ब्रान्ड ‘अथर इनर्जी नेपाल’ ले जनकपुरमा आफ्नो नयाँ ‘अथर एक्सपिरियन्स सेन्टर’ सञ्चालनमा ल्याएको छ । विद्युतीय सवारीको विस्तारलाई तीव्र बनाउने लक्ष्यका साथ कम्पनीले देशभर आफ्नो उपस्थिति बलियो बनाउँदै लगेको छ ।

जनकपुरको मिल्स एरियामा अवस्थित यो सेन्टर सोमबारदेखि नितिन ट्रेड लिंकको व्यवस्थापनमा औपचारिक रूपमा सञ्चालनमा आएको हो। योसँगै नेपालभर अथरका एक्सपिरियन्स सेन्टरको संख्या १० पुगेको छ। कम्पनीले हाल काठमाडौँ उपत्यकामा ५ वटा तथा पोखरा, चितवन, इटहरी र बुटवलमा आफ्ना शाखाहरू सञ्चालन गरिरहेको छ।

के छन् सुविधाहरू ?
जनकपुर सेन्टरमा ग्राहकले अथरका लोकप्रिय मोडलहरू ‘४५० सिरिज’ र परिवारमुखी ‘अथर रिज्टा’ को लाइभ डिस्प्ले र टेस्ट राइड गर्न पाउनेछन् । अथर ४५० सिरिजमा गुगल म्याप्स, अटो होल्ड र रिभर्स मोड जस्ता स्मार्ट सुविधाहरू छन् भने ‘रिज्टा’ मोडल फराकिलो सिट र ठूलो स्टोरेजका लागि परिचित छ ।

अथरले नेपाली बजारमा ईभी क्षेत्रकै सबैभन्दा लामो ८ वर्षको ब्याट्री वारेन्टी समेत दिँदै आएको छ । साथै, देशभर ९ वटा सर्भिस सेन्टर र ४० भन्दा बढी स्थानमा फास्ट चार्जिङ नेटवर्क (अथर ग्रिड) मार्फत सेवा दिइरहेको छ ।

उद्घाटन अफर

जनकपुरमा शाखा विस्तार भएको अवसरमा कम्पनीले जेठ ४ गतेसम्मका लागि विशेष अफर सार्वजनिक गरेको छ ।यसअन्तर्गत ग्राहकले विस्तारित ब्याट्री वारेन्टी, ० प्रतिशत ब्याजदरमा फाइनान्स सुविधा र अतिरिक्त एक्सचेन्ज भ्यालुएसन पाउने कम्पनीले जनाएको छ।

नेपालका लागि अथरको आधिकारिक वितरक वैद्य इनर्जी प्रा.लि. ले स्वच्छ र दिगो मोबिलिटीलाई प्राथमिकता दिँदै आएको छ ।