जेनजी आन्दोलनका क्रममा भएका भौतिक तथा अन्य क्षतिको बिमा दाबी रकम करिब रु. २३ अर्ब २२ करोड ८७ लाख पुगेको छ। असोज २२ गतेसम्मको तथ्याङ्कअनुसार देशभरका निर्जीवन बिमा कम्पनीहरूमा जम्मा ३ हजार ९९ वटा बिमा दाबी दर्ता भएका छन्।
बिमा प्राधिकरणले उपलब्ध गराएको विवरणअनुसार १४ वटा निर्जीवन बिमा कम्पनी र चारवटा लघु निर्जीवन बिमा कम्पनीहरूमा यस अवधिसम्म यति ठूलो परिमाणको दाबी रकम पुगेको हो। प्राप्त दाबी रकममध्ये हालसम्म रु. १ अर्ब २९ करोड १९ लाख बराबरको भुक्तानी गरिएको छ, जसमा अग्रिम भुक्तानीसमेत समावेश छ।
यस्तै, क्षतिको विस्तृत मूल्याङ्कनका लागि बिमा कम्पनीहरूले हालसम्म २ हजार ७०६ जना सर्भेयर खटाएका छन्। तीमध्ये ३७४ सर्भे प्रतिवेदन बिमा कम्पनीहरूमा पेस भइसकेका छन्। बिमा प्राधिकरणका अनुसार बाँकी दाबीहरूको मूल्याङ्कन र भुक्तानी प्रक्रिया क्रमशः अगाडि बढाइँदैछ। आन्दोलनका क्रममा भएको क्षतिको यथार्थ मूल्याङ्कन पछि कुल भुक्तानी रकम अझै बढ्ने अनुमान गरिएको छ।
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
