आइतवार , आश्विन ११, २०८३
नारायणी नदीमा आएको बाढीले बगाएर ल्याएको क्रुजसिप पुलमुनि अड्किएपछि नारायणी पुलमा आवतजावत बन्द गरिएको छ। सम्भावित जोखिमलाई मध्यनजर गर्दै पुलबाट सवारीसाधन तथा पैदल यात्रुको आवागमन रोकिएको हो।
अचानक पुल बन्द भएपछि आफ्नो गन्तव्यतर्फ हिँडेका सयौँ सवारीसाधन र हजारौँ यात्रु प्रभावित भएका छन्। भरतपुरतर्फको नारायणगढ र नवलपुरतर्फको गैँडाकोट दुवैतर्फ सवारीसाधनको चाप बढेको छ। पुल बन्द भएपछि गन्तव्यमा पुग्नुपर्ने यात्रुहरू बाटोमै रोकिएका छन्। यससँगै बाढीले बगाएर ल्याएको क्रुज पुलमुनि कसरी अड्कियो र त्यसलाई हटाउने काम कसरी अघि बढाउने भन्ने विषयमा पनि चुनौती थपिएको छ।
.gif)
नारायणी पुल पूर्व–पश्चिम आवागमनका लागि महत्वपूर्ण भएकाले पुल बन्द हुँदा यसको प्रत्यक्ष असर चितवन र नवलपुरबीचको यातायातमा परेको छ। पुल हेर्न तथा घटनाको अवस्थाबारे जानकारी लिनसमेत ठूलो संख्यामा मानिसहरू नारायणगढ र गैँडाकोटतर्फ जम्मा भएका छन्।
पुलमुनि क्रुज अड्किएपछि संरचनामा थप जोखिम हुन सक्ने भएकाले तत्कालका लागि आवागमन रोकिएको हो। पुलको अवस्था र क्रुज हटाउने कामबारे सम्बन्धित निकायबाट थप विवरण आउन बाँकी छ।
Be the first to comment!
.gif)
© 2026 All right reserved to businessnewsnepal.com
Design & Developed By
प्रतिक्रिया दिनुहोस