साताको कारोबारको पहिलो दिन सोमबार सेयर बजारमा सामान्य सुधार देखिएको छ। नेपाल स्टक एक्सचेन्ज (नेप्से) परिसूचक ४ अंकले बढेर २ हजार ५९५.८१ बिन्दुमा बन्द भएको छ।
शुक्रबार ४ अर्ब ८३ करोड रुपैयाँ बराबरको सेयर कारोबार भएकोमा सोमबार ४ अर्ब ४६ करोड रुपैयाँको कारोबार भएको छ। यस दिन ३५४ वटा धितोपत्रका १ करोड २७ लाख १९ हजार ७३४ कित्ता सेयर खरिदबिक्री भएका छन्।
सोमबार कारोबारमा आएका कम्पनीमध्ये १०५ वटाको सेयर मूल्य बढेको छ भने १६५ वटाको मूल्य घटेको छ। यस्तै, ७ कम्पनीको सेयर मूल्य स्थिर रहेको छ।
आजको कारोबारमा कुमारी बैंक लिमिटेड सबैभन्दा अगाडि रह्यो। कम्पनीको २५ करोड १९ लाख रुपैयाँ बराबरको सेयर कारोबार भएको छ।
यस दिन धौलागिरी लघुवित्त वित्तीय संस्था लिमिटेडका लगानीकर्ताले सबैभन्दा धेरै कमाएका छन्। कम्पनीको सेयर मूल्य १४ प्रतिशतभन्दा बढीले वृद्धि भएको छ।
यता, रिज लाइन इनर्जीका लगानीकर्ताले भने सबैभन्दा धेरै गुमाएका छन्। कम्पनीको सेयर मूल्य ६ प्रतिशतभन्दा बढीले घटेको छ।
साताको पहिलो दिन नेप्सेमा सामान्य वृद्धि भए पनि विभिन्न कम्पनीको सेयर मूल्यमा उतारचढाव देखिएको छ। कारोबार रकम साढे ४ अर्ब रुपैयाँ नजिक पुग्दा बजारमा लगानीकर्ताको सक्रियता कायम रहेको देखिन्छ।
.gif)
प्रतिक्रिया दिनुहोस