ताजा
लोकप्रिय
कैलालीको धनगढीमा शरीरमा पेट्रोल छर्केर आत्मदाहको प्रयास गरेकी एक युवतीको मृत्यु भएको छ। मृत्यु हुनेमा धनगढी उपमहानगरपालिका–७ की ३५ वर्षीया ज्योति चौधरी रहेकी प्रहरीले जनाएको छ।
प्रहरीका अनुसार चौधरीले आइतबार साँझ आफ्नै घरभित्र शरीरमा पेट्रोल छर्केर आगो लगाएकी थिइन्। आगलागीबाट गम्भीर घाइते भएकी उनलाई आफन्तले तत्काल उद्धार गरी उपचारका लागि सेती प्रादेशिक अस्पताल पुर्याएका थिए।
चिकित्सकका अनुसार आगलागीमा चौधरीको शरीरको करिब ६० प्रतिशत भाग जलेको थियो। अवस्था गम्भीर भएपछि उनलाई थप उपचारका लागि भेरी अस्पताल, नेपालगञ्ज पठाउने तयारी गरिएको थियो। तर आफन्तले उनलाई काठमाडौं लैजाने क्रममा सोमबार बिहान करिब ७ बजे धादिङ पुग्दा बाटोमै मृत्यु भएको प्रहरीले जनाएको छ।
घटनाको कारण खुल्न नसकेको प्रहरीले जनाएको छ। घटनाबारे थप अनुसन्धान भइरहेको छ।
