साताको दोस्रो कारोबार दिन नेपाल स्टक एक्सचेन्ज (नेप्से )परिसूचक घढेको छ । आज नेप्से ८.१६ अंकले घटेर २६६२.९१ बिन्दुमा पुगेको हो ।

नेप्सेमा कुल ३३५ कम्पनीको १ करोड ९६ लाख १६ हजार ३९५ कित्ता सेयर खरिद बिक्री हुँदा रू. ७ अर्ब ९४ करोडमाथिको सेयर कारोबार भएको छ । आज सबैभन्दा धेरै कारोबार रिडी पावर कम्पनी लिमिटेडको भएको छ । यस कम्पनीको ६५ करोड ३ लाख रुपैयाँ बराबरको कारोबार भएको छ ।

सोमबारको बजारमा बुद्धभुमी नेपाल हाइड्रोपावर कम्पनी लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ । आजको बजारमा बुद्धभुमीसहित रिलायन्स स्पिनिङ मिल्स र सालपा विकास बैंकको सेयर मूल्यमा पोजेटिभ सर्किट लागेको छ ।

यता, खानीखोला हाइड्रोपावर कम्पनी लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ९ प्रतिशतभन्दा धेरैले घटेको छ ।