रुससँग सहकार्य गरेर हेटौँडा र उदयपुर सिमेन्ट उद्योग सञ्चालन गर्ने नेपालको प्रस्ताव

मंगलवार , श्रावण १२, २०८३

रुससँग सहकार्य गरेर हेटौँडा र उदयपुर सिमेन्ट उद्योग सञ्चालन गर्ने नेपालको प्रस्ताव

नेपालले लामो समयदेखि बन्द रहेका हेटौँडा र उदयपुर सिमेन्ट उद्योग पुनः सञ्चालनका लागि रुससँग सहकार्यको प्रस्ताव गरेको छ। नेपालका लागि रुसी राजदूत अलेक्सेई भ्लादिमिरोभिच सुरोभ्त्सेभले मंगलबार उद्योग, वाणिज्य तथा आपूर्तिमन्त्री गौरीकुमारी यादवसँग गरेको शिष्टाचार भेटका क्रममा नेपालले यस्तो प्रस्ताव राखेको हो। भेटवार्ताका क्रममा मन्त्री यादवले नेपालमा बन्द अवस्थामा रहेका सरकारी उद्योग पुनः सञ्चालन गर्न रुस सरकारको प्राविधिक तथा आवश्यक सहयोग अपेक्षा गरिएको बताइन्। विशेषगरी हेटौँडा र उदयपुर सिमेन्ट उद्योग पुनः सञ्चालनका लागि सहकार्य गर्न उनले रुसी पक्षसमक्ष प्रस्ताव राखेकी थिइन्। नेपालको प्रस्तावप्रति सकारात्मक प्रतिक्रिया दिँदै राजदूत सुरोभ्त्सेभले रुस सरकारसँग आवश्यक समन्वय गरी नेपालले अघि सारेका प्रस्तावमा सहकार्य गर्ने प्रतिबद्धता व्यक्त गरे। भेटमा नेपाल र रुसबीचको व्यापार तथा आर्थिक सम्बन्ध थप विस्तार गर्ने, व्यापार सहजीकरणमा सहकार्य बढाउने तथा दुई देशबीचको मैत्रीपूर्ण सम्बन्धलाई थप सुदृढ बनाउने विषयमा समेत छलफल भएको थियो। राजदूत सुरोभ्त्सेभले व्यापार तथा आर्थिक फोरममार्फत नेपाल र रुसबीच भइरहेको सहकार्यलाई थप प्रभावकारी बनाउन नेपाल सरकारले सकारात्मक भूमिका खेल्ने विश्वास व्यक्त गरे। उनले आगामी दिनमा दुई देशबीचको आर्थिक तथा औद्योगिक सहकार्य अझ मजबुत बन्ने धारणा राखे। सोही अवसरमा राजदूत सुरोभ्त्सेभले रुसका आर्थिक विकासमन्त्रीको तर्फबाट मन्त्री यादवलाई रुस भ्रमणको औपचारिक निमन्त्रणा हस्तान्तरण गरे। मन्त्री यादवले निमन्त्रणा स्वीकार गर्दै प्रस्तावित भ्रमणले नेपाल र रुसबीचको सहकार्यलाई थप उचाइमा पुर्‍याउन महत्वपूर्ण भूमिका खेल्ने विश्वास व्यक्त गरिन्।

सम्बन्धित विषय:

# हेटौँडा र उदयपुर सिमेन्ट उद्योग

प्रतिक्रिया दिनुहोस

write your comment

Anonymous

Name

Phone

Comment

0/1000

Your information is secure and private

No Comments Yet

Be the first to comment!

ताजा अपडेट

चर्चित

रुससँग सहकार्य गरेर हेटौँडा र उदयपुर सिमेन्ट उद्योग सञ्चालन गर्ने नेपालको प्रस्ताव

सम्बन्धित विषय:

प्रतिक्रिया दिनुहोस

No Comments Yet

९ वर्षदेखि कपाल काटिनन्, बनाइन् विश्व कीर्तिमान!

घाटामा रहेका सरकारी संस्थान सुधारको बाटोमा फर्किएको प्रधानमन्त्री बालेनको दाबी

महालक्ष्मी विकास बैंकद्वारा शिशु स्याहार कक्ष तथा डे केयर सञ्चालन

Rs 45 lakh EV battle heats up as Leapmotor launches BO3X in Nepal

मध्यरातमा प्रधानमन्त्री बालेन्द्र शाह - ढिला होला, तर गलत हुँदैन

अलैँची निर्यात एक वर्षमै निर्यात ६५ प्रतिशतले वृद्धि, किसान र अर्थतन्त्र दुवैलाई राहत

पहिलो कारोबार दिन नेप्सेमा सामान्य करेक्सन, कारोबार रकम ४ अर्ब ५७ करोड नाघ्यो

पेट्रोलियम पदार्थको मूल्य फेरि वृद्धि, पेट्रोल लिटरमा ३ र डिजेल ५ रुपैयाँ महँगियो

चितवन जिल्ला प्रशासन कार्यालयले घरमै सिलिन्डर पुर्‍याउने, ग्यास अभाव भए सिधै खबर गर्न आग्रह

Nabil Bank Launches Nepal's First Dedicated Education Hub for Students Pursuing Overseas Studies

एलपी ग्यासको कृत्रिम अभाव वा बढी मूल्य असुलेको भेटिए ९८५१११६७७३ मा जानकारी दिन मन्त्रालयको आग्रह

खनिज विधेयक : लगानी आकर्षित गर्ने कि उद्योगलाई नै निरुत्साहित गर्ने?

गुणस्तर चिन्ह लिन उद्योगीलाई सरकारको आह्वान, स्वदेशी उत्पादनलाई बजार र निर्यातमा प्राथमिकता

उद्योगी शेखर गोल्छा १ करोड रुपैयाँ धरौटीमा रिहा

एक वर्षमा २० खर्बभन्दा बढीको वस्तु आयात, निर्यात ३ खर्ब नाघ्यो

रुससँग सहकार्य गरेर हेटौँडा र उदयपुर सिमेन्ट उद्योग सञ्चालन गर्ने नेपालको प्रस्ताव

120

सम्बन्धित विषय:

प्रतिक्रिया दिनुहोस

No Comments Yet

सर्च गर्नुहोस्