ताजा
लोकप्रिय
नेकपा(माओवादी केन्द्र)का अध्यक्ष पुष्पकमल दाहाल प्रचण्डका घरबेटी रहेका ठेकेदार शारदाप्रसाद अधिकारीको घरजग्गा नबिल बैंकले लिलाम गरेको छ । अधिकारीले लिएको ऋण असुलीका लागि नबिल बैंकले घरजग्गा लिलाम गर्न लागेको हो । अधिकारीको घरजग्गा लिलामीको सूचना बैंकले गत माघमै प्रकाशित गरेको थियो ।
ठेक्का लिएर समयकै काम नगर्ने ठेकदारका रुपमा परिचित अधिकारी पटक पटक कालोसूचीमा समेत पर्दै आएका छन् । अहिले प्रचण्ड बस्दै आएको अधिकारीको खुमलटारस्थित घर पनि बैंकमा धितो राखिएकाले समयमै ऋण नतिरे त्यो पनि लिलामीमा पर्ने सम्भावना रहेको स्रोतले जनाएको छ ।
स्रोतका अनुसार अधिकारीको नाममा रहेको ललितपुर जिल्ला प्रशासन कार्यालय नजिकै रहेको ४१ आना, मानभवनमा रहेको पाँचतले घरसहित एक रोपनी जग्गा, स्युचाटारमा साढे दुईतले घरसहित ३.१ आना जग्गा, नैकाप खड्का गाउँमा रहेको ६ आना र खुमलटारमा रहेको ६.५ आना जग्गा बैंकले लिलामी प्रक्रिया अघि बढाएको हो ।
नबिल बैंकले अधिकारीबाट करिब ७० करोड ऋण उठाउन बाँकी छ । त्यो मध्ये १ करोड १० लाख खराब कर्जामार्फत ऋण चुक्ता गरिसकेको बैंकले जनाएको छ । यसअघि सार्वजनिक खरिद अनुगमन कार्यालयले अधिकारीको कम्पनी सैलुङ कन्स्ट्रसन सहित २० वटा कम्पनी कालोसूचीमा राखेको थियो ।
-हेर्नुहोस् भिडियो:
