नेपाल राष्ट्र बैंकले डेबिट कार्डबाट हुने भुक्तानी कारोबारको सीमा घटाउने निर्णय गरेको छ।

राष्ट्र बैंकको भुक्तानी प्रणाली विभागले शुक्रबार ‘भुक्तानी प्रणाली सम्बन्धी एकीकृत निर्देशन २०८१’ मा संशोधन गर्दै नयाँ सीमा लागू गरेको हो। संशोधित प्रावधान अनुसार अब डेबिट कार्डबाट प्रति करोबार अधिकतम २० हजार रुपैयाँ, प्रति दिन ५० हजार रुपैयाँ र प्रति महिना ३ लाख रुपैयाँसम्म मात्र कारोबार गर्न सकिने छ।

यसअघि भने डेबिट कार्डबाट प्रतिकरोबार २५ हजार रुपैयाँ, प्रति दिन १ लाख रुपैयाँ, र प्रति महिना ४ लाख रुपैयाँसम्म कारोबार गर्न सकिने व्यवस्था रहेको थियो।

राष्ट्र बैंकले कार्ड कारोबार प्रणालीलाई सुरक्षित र जिम्मेवार बनाउने उद्देश्यले सीमा घटाइएको जनाएको छ।