२०८३, आश्विन १० गते

ताजा अपडेट
English
शनिवार, आश्विन १० गते २०८३
होमपेज
बैंक
बीमा
पुँजीबजार
किनबेच/बजार
उद्योग
राजनीति
रोजगारी
विश्व
  • अन्य
    • Search
    Eng

    सपना पूरा गर्न विदेश जानुपर्ने बाध्यता अन्त्य गर्ने आधार बजेटले तयार गरेको छ: अर्थमन्त्री वाग्ले

    बिजनेस न्यूज नेपाल

    आइतवार , जेठ ३१, २०८३

    सपना पूरा गर्न विदेश जानुपर्ने बाध्यता अन्त्य गर्ने आधार बजेटले तयार गरेको छ: अर्थमन्त्री वाग्ले
    अर्थमन्त्री डा. स्वर्णिम वाग्लेले नेपाली युवाले आफ्नो सपना पूरा गर्न अनिवार्य रूपमा विदेशिनुपर्ने अवस्था अन्त्य गर्ने दिशामा सरकारले काम सुरु गरेको बताएका छन्। उनले आगामी आर्थिक वर्षको बजेटलाई त्यसको प्रारम्भिक आधारका रूपमा प्रस्तुत गरेका छन्। आइतबार काठमाडौंमा आयोजित राष्ट्रिय युवा उद्यमशीलता सम्मेलन २०८३ लाई सम्बोधन गर्दै अर्थमन्त्री वाग्लेले पछिल्ला डेढ-दुई दशकदेखि युवाहरू अवसरको खोजीमा विदेशिन बाध्य भएको उल्लेख गरे। अब भने देशभित्रै अवसर सिर्जना गरी युवालाई आफ्नै भूमिमा भविष्य निर्माण गर्न सक्ने वातावरण बनाउने लक्ष्यसहित बजेट ल्याइएको उनको भनाइ थियो। “पछिल्लो १५–२० वर्षदेखि युवाहरू आफ्नो सपना पूरा गर्न विदेश जानुपर्ने बाध्यतामा परेका छन्। अब त्यस्तो अवस्था दोहोरिन नदिन आवश्यक आधार तयार गर्ने काम बजेटमार्फत सुरु गरेका छौँ,” उनले भने। उनले आगामी पाँच वर्षभित्र यस प्रयासलाई ठोस निष्कर्षमा पुर्‍याउने लक्ष्य सरकारको रहेको पनि बताए। देशभरबाट सहभागी युवा उद्यमीहरूलाई सम्बोधन गर्दै मन्त्री वाग्लेले कर प्रणालीमा सुधार, उद्यमी तथा व्यवसायीका लागि सहुलियत, सरकारी सेवाको डिजिटलाइजेसन र सुशासनलाई प्राथमिकतामा राखेर बजेट तयार गरिएको बताए। यस्ता कार्यक्रमले देश निर्माणको नयाँ मार्ग प्रशस्त गर्ने उनको विश्वास छ। उनका अनुसार करका दरहरू पुनरावलोकन गरी वार्षिक एक लाख रुपैयाँसम्म आम्दानी गर्ने युवालाई करको झन्झटबाट मुक्त गरिएको छ। साथै, कर तथा बक्यौता सम्बन्धी समस्यामा परेका उद्योगी–व्यवसायीलाई नयाँ सुरुवात गर्ने अवसर दिन विभिन्न सहुलियतपूर्ण व्यवस्था पनि बजेटमा समावेश गरिएको छ। अर्थमन्त्री वाग्लेले बजेट निर्माणका क्रममा युवाको उद्यमशील सोच, नवप्रवर्तन र व्यवसायिक योजनालाई प्रोत्साहन गर्ने विषयलाई विशेष महत्व दिइएको बताए। उनले घोषणा गरिएका कार्यक्रमहरूको प्रभावकारी कार्यान्वयनबाट देशभित्रै रोजगारी, लगानी र उद्यमशीलताको वातावरण थप सुदृढ हुने विश्वास व्यक्त गरे।

    प्रतिक्रिया दिनुहोस

    write your comment
    Anonymous
    0/1000
    Your information is secure and private
    0

    No Comments Yet

    Be the first to comment!

    images
    images
    images
    ताजा अपडेट Arrow
    चर्चित Arrow
    सम्बन्धित समाचार Arrow

  • प्रधानमन्त्री बालेन शाहले राष्ट्रसंघको महासभामा के भने? (सम्बोधनको पूर्णपाठ)

  • राष्ट्रसंघमा बालेन - जलवायु न्याय सुन्दर वाक्यांशमा सीमित नहोस्

  • एमालेमा विद्यादेवी भण्डारी ‘सम्मानित वरिष्ठ नेता’, ओलीपछि दोस्रो वरीयता

  • प्रधानमन्त्री बालेन न्युयोर्क पुगे, भोलि राष्ट्रसंघ महासभालाई सम्बोधन गर्ने

  • फेसबुक
    ट्वीटर
    युट्युब
    टिकटक
    इन्स्टाग्राम
    • सम्पर्क

    बबरमहल, काठमाण्डौ
    फोन     : 9804665174 / 9851347485
    सूचना तथा प्रसारण विभाग : ३९३२
    प्रेस काउन्सिल सूचीकरण नं. : ३९१५

    हाम्रो टिम

    सम्पादक: अन्जना चौधरी

    हाम्रो बारेमा

    इमेल : businessnewsnepal1@gmail.com
    समाचार : news@businessnewsnepal.com
    विज्ञापन : news@businessnewsnepal.com
    विज्ञापनका लागि सम्पर्क : 9851347485

    लिंकहरु

    © 2026 All right reserved to businessnewsnepal.com

    Design & Developed By

    ताजा अपडेट Arrow
    थप ताजा अपडेट
    ट्रेन्डिङ