ताजा
लोकप्रिय
बिहीबारदेखि लगातार परेको वर्षाले त्रिभुवन अन्तर्राष्ट्रिय विमानस्थल (TIA) को हवाई सेवा प्रभावित भएको छ।
प्रतिकूल मौसमका कारण काठमाडौँबाट लुक्ला, पोखरा र ताप्लेजुङतर्फका नौवटा उडान ढिलो (डिले) भएका विमानस्थल कार्यालयले जनाएको छ। यस्तै, चारवटा माउन्टेन फ्लाइट रद्द गर्नुपरेको छ।
विमानस्थलका प्रवक्ता अनुसार दृश्यता कमजोर र बादलको बाक्लोपनका कारण उडान सञ्चालनमा समस्या आएको हो। मौसम सुधार नहुँदासम्म उडानहरू पर्खाइमा राखिएका छन्।
यसअघि पनि बुधबारको दिन आन्तरिक तथा अन्तर्राष्ट्रिय दुवै उडान प्रभावित भएका थिए। केही विमान अन्य विमानस्थलमा ‘डाइभर्ट’ गर्नुपरेको थियो भने भरतपुर र तुम्लिङटार विमानस्थलको उडान अस्थायी रूपमा बन्द गरिएको थियो।
विमानस्थल प्राधिकरणले यात्रुहरूलाई आवश्यक जानकारीका लागि सम्बन्धित एयरलाइन्ससँग सम्पर्क राख्न आग्रह गरेको छ र मौसम सुधारसँगै उडानहरू क्रमशः सञ्चालनमा ल्याइने जनाएको छ।
