कुमारी बैंक लिमिटेडले आफ्नो परिवार सुरक्षा बचत खाता (PSBK) अन्तर्गतको बीमा सुविधाअनुसार लाभग्राहीलाई १० लाख रुपैयाँ बराबरको बीमा दाबी रकम हस्तान्तरण गरेको छ।

बैंकको गौमुल शाखाले श्रीमती बना देवी बोहराका श्रीमानको दुर्घटनाजन्य निधनपछि बीमा दाबी प्रक्रिया पूरा गरी उक्त रकम हस्तान्तरण गरेको हो। बैंकले यस आर्थिक सहयोगले शोकाकुल परिवारलाई कठिन परिस्थितिमा राहत पुग्ने विश्वास व्यक्त गरेको छ।

कुमारी बैंकले ग्राहकहरूको वित्तीय सुरक्षा र परिवारको आर्थिक संरक्षणलाई प्राथमिकतामा राख्दै विभिन्न बचत योजनासँग आकर्षक बीमा सुविधा उपलब्ध गराउँदै आएको जनाएको छ। बैंकका अनुसार परिवार सुरक्षा बचत खाताअन्तर्गतको बीमा सुविधाले अप्रत्याशित घटनाबाट प्रभावित परिवारलाई आर्थिक राहत उपलब्ध गराउनुका साथै भविष्यप्रतिको आर्थिक सुरक्षा पनि मजबुत बनाउनेछ।

विशेषगरी ग्रामीण तथा दुर्गम क्षेत्रका नागरिकसम्म बैंकिङ सेवा र बीमा सुरक्षाको पहुँच विस्तार गर्ने उद्देश्यले सञ्चालन गरिएका यस्ता योजनाले आर्थिक समावेशीकरणलाई थप सुदृढ बनाउने बैंकको विश्वास छ।

विगत २५ वर्षदेखि बैंकिङ सेवा प्रदान गर्दै आएको कुमारी बैंकका हाल देशभर २८५ शाखा, ४१ विस्तार काउन्टर, ३०२ एटीएम र ४० शाखारहित बैंकिङ केन्द्र सञ्चालनमा छन्। बैंकले आधुनिक बैंकिङ सेवा, निक्षेप योजना तथा बीमा सुविधामार्फत ग्राहकहरूको वित्तीय सुरक्षालाई थप मजबुत बनाउँदै आएको जनाएको छ।