ताजा
लोकप्रिय
नेपाल दूरसञ्चार प्राधिकरणका पूर्वअध्यक्ष भुपेन्द्र भण्डारी पक्राउ परेका छन्। नेपाल प्रहरीको केन्द्रीय अनुसन्धान ब्युरो (सिआइबी) ले उनलाई ललितपुरको धापाखेलबाट पक्राउ गरेको हो।
प्रहरीका अनुसार स्मार्ट सेलको सम्पत्ति लिलामी बिक्रीका लागि अनुमति दिएको विषयमा अनुसन्धान गर्न भण्डारीलाई नियन्त्रणमा लिइएको हो।
भण्डारी पुष्पकमल दाहाल ‘प्रचण्ड’ नेतृत्वको सरकारको पालामा नेपाल दूरसञ्चार प्राधिकरणको अध्यक्ष नियुक्त भएका थिए। पछि बालेन्द्र शाह नेतृत्वको सरकारले राजनीतिक नियुक्ति खारेज गर्ने निर्णय गरेपछि उनी पदमुक्त भएका थिए।
सिआइबीले स्मार्ट सेलसम्बन्धी निर्णय प्रक्रियामा भएको भनिएको अनियमिततामाथि अनुसन्धान अघि बढाएको जनाएको छ।
