धादिङमा माइक्रोबस दुर्घटना हुँदा १६ जना घाइते भएका छन्।

काठमाडौंबाट चितवनका लागि छुटेको बा २ ख २८२९ नम्बरको माइक्रोबस गल्छी गाउँपालिका–८ गल्छीमोडमा दुर्घटनामा परेको हो।​ दुर्घटनामा परेर १६ जना घाइते भएका प्रहरीले जनाएको छ।

घाइतेहरूको अम्बेभरोसा अस्पतालमा उपचार भइरहेको छ। माइक्रोबस आफैं अनियन्त्रित भएर सडकको भित्तामा ठोक्किएको जिल्ला प्रहरी कार्यालय धादिङका सूचना अधिकारी सुवास हमालले जानकारी दिए।