ताजा
लोकप्रिय
काठमाडौं महानगरपालिकाका मेयर बालेन शाहले प्रधानमन्त्री केपी शर्मा ओलीलाई चीन भ्रमणको शुभकामना दिएका छन् ।
आज (शनिबार) विहान सामाजिक सञ्जालमा लेख्दै बालेनले शुभकामना दिएका हुन् । साथै उनले लिपुलेक नेपालकै हो भन्ने कुरा चीनलाई सम्झाउन समेत प्रधानमन्त्री ओलीलाई आग्रह गरेका छन् ।
उनले लेखेका छन्, ‘चीन भ्रमणको शुभकामना प्रधानमन्त्री ज्यू । नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले हाम्रो सार्वभौमिकतामाथिको अतिक्रमण गरेको छ, त्यो हाम्रो नै हो भन्ने कुरा चीनलाई सम्झाउन नबिर्सनु होला ।’ बालेनले यस विषयमा प्रधानमन्त्रीमाथि आफूहरूको पूर्ण विश्वास रहेको समेत व्यक्त गरेका छन् ।
